Wrestling, turnier und saison änd

aso ich ha mal so welä beschribe wasi usser de schuäl äso mach (schuäl d isch übrigens üsserscht eifach und glade mit ufzgi [wonich zb nid mach] wo benoted wärded...) und das isch hauptsächlich wrestling
mir händ training vo mäntig bis fritig nach de schuäl (schuäl isch fertig am 3 und training fang am 4 a)
vorem training dud (oder söt mer... mer vergissts halt amig... =) ) mer 2 meile (~3km) und 8 stägä (gsamt ~1km) rännä zum warm wärde und so
denn am 4i dömmer afange dehne und denn nomal ufwärme ( 20 pushups und situps (5x abwächsligswiis) denn 15-20 scootthroughs (mer cha sich das wiä sex mitem bode vorstelle... oder so) 20 situps mit bei gstreckt zude decki denn 10 pushups womer klatsche tud, 20 situps denn ä relativ komischi renn üäbig i ligistütz position denn 3 minute bridging (d brug machä? und mer dud immerwider buch gägä abä ha und denn wider de rugge) und denn 3 min springseili gumpe (natürli mit schwärere seili...) denn dömmer miteme partner drills machä
mit demm simmer denn nach ärä halbe stund fertig und denn dömmer afangä technik z lernä und diä azwände das machäd mer für öppe 1 stund und denn gömmer i eusi gruppe und dönd für je öppe 16 minute (immer 2 min und denn s bitz pause (oder i andere rütme) wrestle
und dänn beänded mers training mit 15 minute sprinte, chrüche und 50+ (maximum womer bis jetzt gha händ isch 230 gsi (mer händ mischt bout...)) up-downs (mer hechted am platz fangt sich mit de händ uf und stosst sich wider ufe und dud ar stell rännä bis zum nächschtä)

mer sind jetzt ide liga mätsch und händ drum 1-2 mal ide wuche mätsch (samschtig und amig mitwuch)
hüt hämmer äs einzelln turnier gha (mer dud normalerwiis als mannschaft aträttä) und ha 4. beziähigswiis 5. gmacht (vo 20) wills 2 dritti gä häd häd mi relativ agschisse willi relativ doof verlore han und das mini letscht chance gsi isch ime einzelnturnier ä medaliä z güne

aber ja s wrestling gad jetzt denn am änd zuä (ändi vo dere wuche) wenn mer nid ide absolute elite isch und state/national turnier gad
ich bi ufenart sehr froh willi denn äntli wider normal ässä cha (wrestling häd gwichtklasse womer normalerwiis bibhalte will)
und denn au wider nid wills mich halt scho extrem i form bracht häd...
aber jetzt fangt denn wider d stabhochsprung saison a (was warschinli heisst dasi wider relativ i usdur und chraft ibüässä wird defür aber me spass ha wird ["flüge" isch hammer]

usserdem bini jetzt definitiv ide drumline (trummerkompetition)

naja das ischs jetzt so öppe

ganz liäbi grüäss und ich vermiss eu (wenigschtens s paar) mega

PS ah ja und min gaschtbrüäder wird warschinli füren monet id schwiiz cho

PPS ich ha das nid wüki gschribe zum agä (au wenns warschinli so usgsed) ich ha eich nur welä was schribe aber nid über s schine (das isch irgendwiä z wiit wäg)

PPPS das hani leider vergässä...

Utah und New Year

ich bi jetzt vo 6 Tage Salt Lake City und umgebig zrug
Churzi info zu dere stadt:
Normalerwiis sehr chalt, d stadt selber häd 180'000 iwonner, en grossteil vo denä isch Mourman (ä sehr interessanti chrischtlichi chile wo mer kei alk und koffeinhaltigs züg isst/trinkt, sex NUR für fortpflanzig dänkt isch und au suscht alles wo irgendwiä spassig isch als sünd agluägt wird), es isch sehr chalt und ja, es isch chalt

6 lüt sind mit unfem trip. dä Clark (min gaschtvater), de Trevor, de Kirk (Unkel vom Trevor), de Gary (Kolleg vom Clark), de Greg (nomal n Kolleg vo ihm, nur für di letschte 3 täg det gsi) und ich

1. tag:
im flughafe häds schnee und s isch chalt. nachdem mer äs Auto gmietet händ (8 Plätzer) fahremer zum hotel und dönd ichecke. Im hotel häds ä kafimachine wo im moment gratis isch. de Trevor und ich dönd mal 3 verschideni sorte kafi usela und drinke. Nachem ässä gömmer inen risige Sportlade chaufed ski maske und dönd chli ade indoor chläterwand üäbä

aso ich ha soooooo ke luscht de itrag richtig z beändä (so mit 1. tag-7.tag und so)

uf jedefall ischs relativ chalt gsi
erschte schiitag isch hammer tüfschnee gsi (überall wo abecho bisch häds 50cm gha und nur s liächtischtä)
di nächschtä 2 täg sind relativ... naja nid überweltigend gsi was de tüfschnee betrifft (jedoch immerno villmal besser als normal tüffschee ide schwiiz)
de nächscht tag isch denn hammer gsi s häd herrlich gromed (englisch isch d pischte wenns so rilleli drin häd oder so) gsi und s häd sozägä kei lüt gha was s tempolimit relativ ufe gfahrä häd^^
usserdem isch a dem tag de greg acho. än supper coole typ womi s bitz an tom erinnered häd [aha^^] (s schiigebiät heisst übrigens snowbaisin und isch sehr z empfele nid nur wägäm schine au wäg äm ässä und so)
di nächschtä 2 täg simmer is schiigebiät powdermountain genial wenn mer gern powder häd s isch aber sehr z empfele än guide z ha will mer susch relativ gross verlore isch (s gebiet isch s gröschte ide usa (glaub) und händ gad mal 7 lift mer mus aso wüki sin wäg kännä
naja mir händ eine gha für 2 täg und händs total gnosse will de typ wüki genau gwüsst häd wänn und wo de powder am beschte isch

naja im grosse und ganze ischs äs super erläbnis gsi das ganze

sorry für de klinlich itrag...