Fäschttag und so

Also ich wünsch eu mal allnä merry christmas und än guätä rutsch
dene lüt ganz speziell:
Mama, Papa, Aglaia, Celestina, Muäti, Däddi, Julia, Gera, Beda, Noah, Patrick, Celia, und allnä andere Verwante, Fründe und Blogbiitrag schribende. (sorry fals din name nid erwähnt worde isch)
Jetzt zu de erläbtä fäschttag und vorbereitig da:

Thanks-Giving
Das isch sozägä s Erntedankfäscht (das glaub di Dütsche fired) da. Mer stad hauptsächlich s bitz spöter uf (wuhu am 10 für mich -.- (ich wird jede tag spötischtens am 9 gweckt...)) und fangt a vorzbereite für s Fescht. Die Vorbereitig beschtad hauptsächlich us choche (wobi d manä us de Chuchi gschücht worde sind), buze und tischdecke beschtad. de bsuäch chunt denn so um di 12 und mer dud denn gmeinsam football (nei nid fuässball, das isch de sport mit dem eiförmige ball {übrigens no ä stuffe langwiiliger als fuässball, da mer 20 sekunde spillt und denn s spil wider aghaltä wird (da chönd 10 min spiilziit schomal 30-40 minute dure...)} luägä (manne) und choche (frauä) ich hamich us beidem useghaltä und ha mit äm Trevor South Park gluägt (was übrigens me sinn als nur fluächä etc bechunt wenn mers in englisch und mit ämä verständnis vo de amerikanische kultur luägt)
denn am 1-2 wird agfangä ässä, traditionell Turkey (truthan oder so).
De isst mer mit Herdöpfelstock, cranberry-sauce (das isch übrigens gele und nid flüssig (jedefalls bi eus)), Gmüäs, ere Ramsauce und Brot wo usnamswiis mal ganz guät und nid eifach untoschteds toschtbrot isch, wobis aber immerno kei rinde häd...
Vo dem isst mer sovill bis de Mage seit stop und denn truckt mer nomal än halbä täller ine.
Nachdem mer sich nach ca 10 minute denn wider mag erhebe gad mer go s bitz fernseh luägä (was allgemein a Feschttag zum Programm ghört) oder go schlafä (beides hilft hauptsächlich de verdauigsprozess in gang z kriägä)
gege di 4 macht mer sich denn äs sandwich (mit de reschte vom ässä) und warted ä wiiteri stund bis mer denn s dessert isst (jeglichi sorte vo Pie (enart (deckti) wähe) oder Cheasecake (ich liäb das züg (ja Celestina jetzt wirdis dir im Starbucks amigs wägässä ^_^ ) Da isst mer übrigens im gliche stil we vorhär: ässä bis s voll isch und denn no s bitz me
Nach ämä ziitli verabschided mer sich denn vo de verwante und bekannte und gad wider go schlafä/fernsehluägä
gschänkli gits übrigens kei usser ässware

Wiänachte/Christmas/X-Mas
Zersch mal zum thema ufchommendi wiänachtsstimmig: äs isch um di 15-30 grad jede tag, isch totall klar und häd dementsprächendi schnee verhältnis (hint: gege di 0,ooo cm). ich nim a de rescht chamer sich ja usmale (am beschte mit vill grüän und brun, ja kei wiiss)
D Amis dönd aber glich Schmücke we di wilde und händ sicher a jedem hus mindeschtens eis täfäli mit de ufschrift: "let is snow" oder "snowball-fight at 12" und ähnlichs wobi diä täfeli mit übermässig wiisem plastik-schnee bedekt sind. än andere aspekt isch än übermessige ufwand für Liächtli, was d julia wunderschön beschribe häd und ich drum nüm mach
Gschänkli wird übrigens im grossstiil poschted, meischt billigrammsch defür aber tonnewiis
für di normal amerikanisch zeremonie läsäder doch bitte de julia ire itrag
mis erläbnis isch da ganz andersch gsi:
da mini familie nid wüki religiös (Hell Yes! s ganze dorf usserdere familie isch strängschtreligiös also lönd mich doch föhlich si) isch fiired mir wiänachte nid wüki komerziell, was heisst d dame gönd uf San Francisco go shoppe und so und d herre gönd id Feriähütte go schine. beidi familiäteil sind am 21. ufbroche was heisst das d gschänkli am 20. uspackt worde sind (ich ha glaub noniä so vill gschänkli becho)
de 24 hani denn schiifahrend verbracht und am abig hämmer southpark gluägt (dasch ä sehr tolli beschäftigung btw)

Neujahr
s neujahr wird ich in Utah verbringe ohni grossi party...
ishc chlin kak...
aber ich freu mi um so me uf s nächscht jahr


also ich wünsch allnä än supper rutsch und so und ich hoff iär händs ganz toll back home
dunkadunka
Aaron